مصطلحات شامية......

مصطلحات شامية
[ [تشكل آسي: تعبير يفيد شدة حب متلقي الكلام, و تفيد انه تضع الأس( وهو نبات اخضر ) يوضع على القبور, يعني بالعربي عم يلي بإلك تشكل أسي
, يعني بس موت تزورني ب قبري و تشكل اي : تضع , آس على قبري

والسبع تنعام: لنا الشرف

أيدي بزنارك: طلب شيء برجاء شديد و يفيد التمسك بالشخص بشدة و معروف انه اقوى مسكة هي مسكة الخصر او الزنار

عقلو جوزتين بخرج: شخص ضيق الأفق , و يغير عقلو بسرعة ,

حاج تحوص وتلوص: توقف عن التنقل من مكان لمكان

شروي غروي: الذي يتكلم كلاماً بلا معنى من الشرق إلى الغرب

أسييع: أفسح المجال لكي أمر يعني اوسع بتسمعها بسوق الحمدية كتير و خاصة من جماعة الدراجة الهوائية هههه

كلبشتو: تعلقت به، تمسكت به من كلبشة

مجنط: مفلس , يعني راح الكاوشوك و صفي على الجنط ابدا ولا نكلة

سرنوة: خبيثة تخفي خبثها بذكاء

الشنتير: الكبير الذي لم يعد طفلاً و غالبا يستخدم المصطلح مع البهدلة

أنتتر: يعني انتفض نط بسرعة

الشاضومة: أمرأة قوية وثرثارة و تشضم شضما , يعني بتحكي بقوة و عنف

أم كمونة: البخيلة

جئر: وقح وعنيد

النايط و النعيان : الإنسان البارد والبطيء

سمّاوية: المرأة القوية واللئيمة , اللتي تبث السم يعني تئذي الأخرين

الواه الواه: مصطلح تستخدمه النساء للاستهزاء على شيء ما


ليكو، ليكا، ليكوكة: أسماء الإشارة للبعيد بألك ليكو هنيك
شحو، شحوكة: أسماء إشارة للقريب

وين غاطط: تقال لشخص لم نره من مدة

شفاتير : شفايف

معت : يعني ممل بايخ

مفزلك : يعني شايف حالو على الفاضي او مفلسف فزلكة يعني فبركها حبكها فلسفها

زمك : يعني قصير

سئيل : يعني دمه تئييل

بركي, بلكي : أي بمعنى ربما

مسرسبة: تحب النظافة كثيراً بشكل احيانا يشكل ازعاج

شو عليه: تدل على المواقفة، لا مانع أي انه ما عليه شي انتس أوكي

يا عيب الشوم: عبارة بتعني أحد معنيين ياأما سلبي (ياعيب الشوم عليك) أي شو انت ما بتستحي؟؟ أو إيجابي (ياعيب الشوم منك) أي والله خجلتني بلطفك وما كنت بدي عزبك

أواعي: جمع واعة أي الملابس


أوعا أوعي, أوعا الزيت, أوعا السمنة,... إلخ: تعبير مو كتير أديم درج بعد ما درجو البسكليتات بالبلد وكانو يستعملوون راكبين البسكليتات وخصوصي بحارات الشام الأديمة والديئة طبعا كتنبيه أو إنذار بمعنى (انتبه.. ورائك دراجة

ليك, اطلع, شوف: يعني انظر


دخيلك: اختصار ل(داخل على الله وعليك\عليكي) بتفيد الترجي أو التمني وبتستخدم كمان للغزل

متووك : يعني شخص عايش بقدرة قادر

عايف حالو : يعني لا حول له ولا قوة

عيفنا يا : يعني تركنا من هالشي

اصلن : يعني اساسا او بالاصل

يي على كسرتك : دعوة من دعاوي النسوان ][/color]

الشاضومة: أمرأة قوية وثرثارة و تشضم شضما , يعني بتحكي بقوة و عنف ثادو

ميرسي باربيه مستلحات حلوة

ترجمه كلمه عووووووووووووكه = جدبه بعيد عنك
بس بربكم في احلا من اللغه الشامي

مصطلحات حلوة كتير عجبتني هي الواااااااه الواااااااه تسلم ايدك تقبلي مروري