الفرق بين غيرة المرأة وغيرة الرجل

الفرق بين غيرة المرأة وغيرة الرجل

عندما تغار المرأة .. تبكي وعندما يغار الرجل .. يصمت

* عندما تغار المرأة تكره الرجل وعندما يغار الرجل يكره نفسه

* أحياناً .. يغار الرجل على امرأة تحبه حتى لو لم يكن يحبها . وتغار المرأة على رجل يحبها حتى لو لم تكن تحبه !

* أجمل أنواع الغيرة غيرة الحب .. وأسوأ أنواع الغيرة غيرة الحقد .

* من بوادر الغيرة اشتعال المرأة وانطفاء الرجل !

* تسعد المرأة بغيرة الرجل الذي تحبه وتختنق . بغيرة الرجل الذي يحبها ولا تحبه

* نحن .. نغار على الذين نحبهم لأننا نحبهم ونغار على الذين يحبوننا لأننا نحب أنفسنا

* لا تعبر عن حبك لهم بالغيرة .. إذا كنت غير متأكد من إحساسهم تجاهك فقد تكشف لحظات ضعفك لمن لا يستحق

* ما أكبر الفرق بين الحب والغيرة .. فالحب الكبير يولد الغيرة . والغيرة الشديدة تقتل الحب

* وما أعظم الفرق بين الغيرة والشك.. ومعظم حالات الغيرة في الحكايات العاطفية يكون مصدرها .. الشك !

* إذا ضبطت نفسك متلبساً بالغيرة "على " إنسان ما فتفقد أحاسيسك جيداً فقد تكون في حالة " حب " وأنت "لا تعلم"..

* وإذا ضبطت نفسك متلبساً بالغيرة "من" إنسان ما فطهر أحاسيسك جيداً فقد تكون في حالة "إثم" وأنت "تعلم"

اعزائي وأخوتي اعضاء المنتدى قمنا بنقل هذا الموضوع بناء على اقتراح الأخ العزيز أيهم الى هذا القسم
وأنا بانتظار ردودكم Wink

شكرن جدن جدن رولا الغالية
لقبولك طلبي
نقل الموضوع من قسم الاسرة
رح انتظر ردود الاخوة الاعضاء
لاني عندي كتير كلام بخصوص هالموضوع
Suspect

بتمنالك التوفيق من كل ئلبي
flower

مو ضوع الغيرة كتيييييييييييييييييييير مهم وفيو اكشن ولي
وبالاخر من كتر الغيرة بتوصل يمكن لناكل اتلة
يعني معك حىء بكل كلمة عزيزتي وخاصة النهاية يعني
دائما بتمنى كون من الي بغارو على الي بحبن وماكون
من الي بغارو من الناس
الغيرة شعلة بتوقد الحب وبتجددو
الغيرة خوف من ضياع او فقد الانسان لانو اكيد منحبو منخاف يروح لغيرنا
غيرة المراة على الرجل حلوة كتير بس ماتوصل لحد حجز حريتو
غيرة الرجل على المراة ياي شو حلوة وخاصة لما بتحسي انو الرجل امامك رح
ينفجر ويفجرك معو
من ال لما الرجل بيغار بيسكت بالعكس
ممكن ياحرام يحترق ويحرق العالم كلو
وغيرة عن غيرة بتفرق في غيرة لاجل الحب وفي غيرة لاجل المصلحة وهي بتكون مع اصدقاء
او اقارب بيهونا
بالنسبة الي بغار على الي بحبن كتير لانو الغيرة بتعطي للشخص التاني شعور اهتمام وحب
ومو بايدنا الغيرة شعور مزروع بكل شخص فينا وبتجي الغيرة درجتها عالية ولا اليلة على حسب الحب
كل مايكون الحب كبير كل ما كبرت الغيرة
بس انشالله الغيرة ماتوصلنا بالاخر لمشفى المجانين

جميل هوا الحب
رائع الاحساس بالحب
الغيرة تعادل اكثر من نصف الحب
لا يوجد غيرة اذا لا يوجد حب

بس تعليق صغير على كلام رولا

عندما تغار المرأة .. تبكي وعندما يغار الرجل .. يصمت

* عندما تغار المرأة تكره الرجل وعندما يغار الرجل يكره نفسه
مين قال هيك ؟؟؟؟؟ confused

لنا عودة
تقبلي مروري رولا الغالية
flower

* ما أكبر الفرق بين الحب والغيرة .. فالحب الكبير يولد الغيرة . والغيرة الشديدة تقتل الحب
تيب شو يللي بيولد الغيره الشديده سواء كانت عند المراه او الرجل انا برئي عدم الثقه بين الشخصين فلو كانت 0الثقه موجوده ما كانت الغيره القاتله موضوع معقد جد وبدو كتير نقاش وشكراااااااااا رولا عموضوعك الرائع

تحياتي

موضوعك حلو كتير وبيحكي عن واقعنا والرجل بس تكون معو حبيبتو ونظرلا شب بيغار وبيحترئ مرة اما ازا شاف حبيبتو هي يلي صارت تنظر للشب بيغار وبيحترئ مليون مرة وبرئي انو بس تكون البنت واثقة بنفسا ما بتحتاج انو تغار لأن الغيرة نقص يعني بس البنتتتشوف التقص يلي عندا موجود بغيرا بتغار منها على الشخص يلي بتحبواهي قناعتي بس ما بطبقها ههههههههههههه لأن انا ازا حبيت بغار على حبيبي من النوم لأن لح ياخدو مني على عالم تاني مابئدر كون معو فيه هههههههههههههههههههههه

الغيره شي جميل واكيد ماراح تجي الا مع الحب

وقد ما تحب الشخص وتعزه أتوقع قد ماتغار عليه بالنسبه لي

الغيره.. دليل الحب لأنه مستحيل حدى يغار على حدى وهو يكرهه !!!

وتبقى الغيرة من أجمل الأشياء إذا ما كانت بحدودها
فالمثل يقول

( ما زاد عن حده .. أنقلب ضده )

فتنقلب الغيرة الى تطور سلبي للحب و يتجه هنالك الحب بإتجاه الامتلاك الشخصي فالمحب يظن بإنه

يملك محبوبه امتلاك كلي لا جزئي فهو يظن بإنه يمتلك حق معرفة تصرفاته كلماته وتوقيت ضحكاته

وسمراته وادق التفاصيل عنه

هذا رأي الشخصي

واختلاف الاراء لا يفسد للود قضيـه

والف شكر لكي على طرحك الجميل

تقبلي مروري

تحياتي

يا عيني عالبنات واّراء البنات
يعني هي الغيرة بالنسبة لكل بنت فيكن
امممممممممممممم
طيب في عندي كم سؤال رح اطرحهم وبدي رد من الكل
لو في مجال
Suspect

1_ لماذا اغلب مشاكل العشاق تكون في الغيرة؟
2_ لماذا كلما زاد الحب فينا زادت الغيرة اكثر فاكثر ؟
3_ لماذا تكاد تكون الغيرة بمثابة طلقة الموت لاغلب حالات الحب ؟
4_ لماذا تكاد تكون غيرة الحبيبة على حبيبها قاتلة الا حد ما ؟
5_ لماذا فقط غيرة الانثى واضحة وفاضحة ؟
6_ لمن الحق ان يغار اكثر ... الحبيب او الحبيبة ؟
7_ اذا كانت غيرة الانثى اقوى واعنف .. هل هذا يعني ان الذكر لا يغار ؟
confused

بتمنى الكل يشارك ويجاوب بمنتهى الصدق
بعيدا عن كلام ال
وبرد بشكرك رولا على موضوعك المهم جدن جدن
بالتوفيق للجميع
flower

بشكر كل الي رد على الموضوع وعلى اهتمامكون بعتذر كتير على التأخير في الرد بس كنت مسافرة
وشتأتلكون كلكون كلكون اشه لفه احلى اخوة بربي
انو رح رد على اسئلة ايهوم اغلب مشاكل العشاق تكون الغيرة اي انسان بيحب شخص بيتمنى يكون ملكو ألو لوحدو وماحدا يشاركو فيه هي غريزة بالأنسان وكل مازاد الحب بالفعل بتزيد الغيرة اكتر
غيرة الأنثى بتكون اوضح لأنو الأنثى صعب تملك اعصابها وبتكون متسرعة اكتر من الرجل باتخاذ القرارات
لمن الحق ان يغار اكثر ... الحبيب او الحبيبة برأيي المفروض الطرفين يغارو على بعض لأنو وئت بتحس الأنثى انو الرجل بيغار عليها بتحس بحبو تجاهها لأنو لو مابحبها مابيغار عليها
اذا كانت غيرة الانثى اقوى واعنف .. هل هذا يعني ان الذكر لا يغار لأ ابدا الذكر بيغار كمان ويمكن كمان تكون غيرتو فاضحة كمان حسب الشخص مافي حدا مابيغار بس كل شخص بيختلف عن غيرو بطريئة التعبير
وبشكرك كتيرررررررررررررررررر ايهوم لأهتمامك
وبرجع بشكر الكل على المرور Wink

اكتر شي بيسعد الفتاه انو تحس بغيره حبيبها عليها حتى لو كانت هي الغيره ئوفر شوي لانو وئتها رح تحس ئديه هو بيحبها ومتمسك فيها طبعن الغيره بتخلف من شخس لاخر حسب طبيعة هالشخص انت زكرت انو ليش كل ما زاد الحب بتزيد الغيره اكيد لانو وئتها كلمه الحب رح يسير فيها حب تملك انو هالشخص الي لوحدي ما بدي حد يشاركني فيه لدرجه انو ممكن تسير غيره قاتله وكمان غيرة المراه الزايده عن الحد ترجع بالاول والاخر الى ثقتها بحبيبها فكلما قلت الثقه زادت الغيره وكلما زادت الغيره زادت المشاكل بس هون السؤال ممكن تتحول هالغيره القاتله لكره من الطرف الاخر

صدقت الست ام كلثوم عندما قالت ( اغار عليك من نسمة الجنوب )

ازا بدك رئيي اخت رولا انا من الناس الي بيغاروا كتير عأي شي بحبه بس كمان ازا الغيره بدها تتحول لجنون بتحكم بحالي مع تنبيه ممكن لانه بتصير معي بس كمان من ناحيه تانيه لازم اغار يؤ لانه الغيره دليل الحب بس بحدود . ( هدا رئيي الخاص )

هلئ ازا اجينا حكينا من الناحيه المنطقيه فنحن نعرف ان الغيرة شعور مثله مثل كثير من المشاعر والأحاسيس .. ولكنه شعور مؤلم إذا تعدى حده وزاد عنه .
وقد تطغى هذه الغيرة أحياناً وتصل إلى حد الشك والظن والحرمان هنا الموضوع غدى اخطر مما نتصور
وربما ينتهي الحب بين الحبيبين بسبب هذه الغيرة إذ أنها قد تولد انعدام الثقة بينهم..

وهون في ببالي كم سؤال بيئولوا : انه الكثير من الناس وخصوصاً المحبين يحبون شعور الغيرة ويحبون الإحساس به .. لماذا ؟؟ انا بئول الغيره هي شرار الحب والحب ما بشتعل لولا الغيره

أهم بحاجة لأن يتأكدوا من حب من حولهم أو حب من يحبونه ويريدون إثبات هذا الحب عن طريق الغيرة ؟؟
اي انا بئول كمان انه ازا بدي اتأكد من حب حبيبي لازم احس بغيرته لانه ازا ما بيغار عليي معناته مو مهتم فيي

لماذا قد تنقلب الغيرة أحياناً إلى شك ؟؟
بهدا السؤال انا برد بشغله وحده انه مستحيل اي انسان عاقل يخلي الغيره تئلب شك لانه هون بيخسر حبيبته والشك احساس قاتل ما بيهني صاحبه لا بليل ولا بنهار

هون ايها الاعضاء الاعزاء سوف تختلف الردود من شخص الى اخر لانه كل انسان بينظر للموضوع بنظرته هو المهم الغيره موجوده عند كل واحد فينا وهي ربنا خلقها فينا وما بنئدر نتخلى عنها

واخيرا اعزائي :-

قد تكون الغيرة الزائدة طبيعة فطرية في الشخص و قد يرجع السبب إلى ظروف نفسيه مر بها الشخص ترسبت في اللاشعور لديه و أثرت عليه بطريقه تلقائيه و
حتما الغيره الزائده عن اللزوم تسبب مشاكل فالإنسان بطبيعته لا يحب من يحصي عليه كل تصرفاته و تحركاته و يسأله عن كل صغيره و كبيره و يشكك بأخلاقه فهو يعتبر الغيرة كالخنق لأنفاسه و كالقيد لحريته .
يعني كل شي زاد عن حده نقص لازم نغار بس بعقل ( بس مرات لازم جنون )

وتقبلي مروري يا عزيزتي

يؤؤؤ نسيت رد عاسئلتك ايهم اللي طلبت من الكل يجاوب عليها وانا كمان بتمنى من الكل يجاوبوا لنشوف شو رأي الجميع ولك من خالص الشكر :_

1_ لماذا اغلب مشاكل العشاق تكون في الغيرة؟
صح كلامك اكثر المشاكل من الغيره لانه ازا الواحد حب من كل البه ما بيشوف ئدامه الا حبيبه وبده ياه يكون اله ( يمتلكه ) بالنظره بالكلمه وبالتصرف يعني الحبيب بيصير محور حياته.

2_ لماذا كلما زاد الحب فينا زادت الغيرة اكثر فاكثر ؟
لانه بنحس انه الحبيب مسؤول منا وبنخاف عليه من كل شيء

3_ لماذا تكاد تكون الغيرة بمثابة طلقة الموت لاغلب حالات الحب ؟
ازا زادت عن حدها طبعا بتكون الطلقه القاضيه ازا طرف من الطرفين ما حكم عئله وحاول يغير حبيبه

4_ لماذا تكاد تكون غيرة الحبيبة على حبيبها قاتلة الا حد ما ؟
قال احد الفلاسفه (( الحب يجعل الإنسان العادي شاعرا ، والشاعر مجنونا )) يعني الجنون احد اسبابه الحب وخوف الحبيبه من ان تخسر حبيبها ممكن انها تؤدي الى الغيره القاتله مع انه عالجهتين ممكن انها تخسره بس لانها وصلت حد الجنون ما عاد تفكر بشي غير الغيره.

5_ لماذا فقط غيرة الانثى واضحة وفاضحة ؟
هون انا بختلف معك ايهم لانه في كمان ذكور غيرتهم اكبر واوضح من غيرة الانثى وممكن انها كمان توصل لحد الجنون عالحبيبه وخنئها ومراقبتها بكل تصرف وبكل كلمه.
يعني هون بنرجع لانه هيك احساس متفاوت من انسان للتاني

6_ لمن الحق ان يغار اكثر ... الحبيب او الحبيبة ؟
هون ما في حق مين اكتر ومين ائل وانا بئول انه الغيره لازم تكون عند التنين بحد سواء
بس كمان من ناحيه تانيه التصرفات هيي يلي بتحدد مين يغار اكتر متلا ازا الحبيب شاف انه حبيبته بتتصرف بطريقه غير منطقيه مع اي انسان تاني غيره راح يغار ويطئ كمان والعكس صحيح
بما معناه تصرف اي واحد من الجهتين بيحدد كمية غيرة حبيبه عليه.

7_ اذا كانت غيرة الانثى اقوى واعنف .. هل هذا يعني ان الذكر لا يغار ؟
طبعن لا وانا شرحت هالشي بالسؤال يلي قبله الذكر مثله مثل الانثى انسان وله احساس ومشاعر

وتقبل فائق احترامي

يسلموووووووووووووووو روز وحنونه على ردودكون واهتمامكون Smile