تعلم اللغة الحلبية

صباحوووووووووووووو

بعد ما تئرو هالموضوع بدي شوف الكل عم يحكي حلبي مو



كُه(بضم الكاف) او كُهنه======هذا هو (للمذكر القريب المفرد)

كِه (بكسر الكاف) او كِهنه=== هذه هي (للمؤنث القريب المفردة)

كُهاك( بضم الكاف) ======هذا هو (للمذكر البعيدالمفرد)

كِهاك(بكسر الكاف) =====هذه هي للمؤنث البعيد المفرده)

كُهاكين(بضم الكاف)=====هؤلاء هم( لأكثر من واحد للمذكر)

كِهاكين(بكسر الكاف) ====هؤلاء هم(لأكثر من واحد للمؤنث)



استكمالاً للقاموس الحلبي إليكم هذه المجموعة من الكلمات الخاصة بحلب:



جنق .. هي الصحن



خوليه هي البشكير



جمجايه هي يعني معلقه السكب المقعرة



سكرتون.... يعني خزانة



لا تجقجق .... يعني لا تدوس على الماء ( هي إذا كانت الأرض ممسوحة)



عَوْجِة .. كوع



اشبك ؟ --- سؤال استفسار



عَلوّا .. أي يا حبذا



اشلك فصتون ؟ .... يعني بالشامي شو بدك فيون



تَعَوَّقِت .. يعني تأخرت (وبقلك المتل بحلب المتعوق حجتو معو )



باتشاية .. غطاء الوتش ===> الوجه



عجب . أداة تعجب حلبيه المنشأ (عجب خيو محما را يجي اليوم ولا لا ؟ )



كنجفة و سكمبيل ... تنيناتن مرادف لورق الشدّة



آط ... هي مرادف لكلمة طابق (يعني فلان ساكن بالطابق الخامس أو خامس آط )



فَرْشْخَانِة......هي اللي بيلتم فيا الوسخ..(السفاية)



خِطَّار ... يعني ضيوف



باب السقاق(السآء).....يعني باب الدار



جوجحانة . معناها المرجوحة



قفه ... سله من خيزران يوضع فيها التين عادة .....



سَئَّاطَة او سَقَّاطَة و هي القطعة المعدنية اللي بندق فيها باب الصئَاء أو باب البيت



و بتجي كمان بمعنى سَئَّاطة الكبة ، و هي قطعة الكبة بصينية ......



انْصْرَة .... يعني اغتنم الفرصة (مثال--- انصرة انتو عنا يعني نغتنم فرصة وجودكم عندنا )



فصط .. يعني وسط (شنو عدم المستاخذة : نحن من فصط حلب )



ديوانة .. كناباية







وأخيراً أقدم لكم هذا اللقش مع الشرح و إعراب المفردات :



"إشْ عم تِلْقُشْ أبوي .. ؟؟ تُقْبُشْ قلبي صرلي عايش طول عمري بفصط حلب وطاول طاول ما



سمعت كلمة أَخَرْمِشْ السما .. دي حاج تقسيم علينا حج أبو عبدووو "



شرح المفردات :



طاول طاول .... يعني أبداً أبداً



دي بالحلبي أداة تحريكيه .. يعني دي خيو .. خلصنا (هي بالمشرمحي)



وتُعرب هذه الكلمة كالتالي ....دي أداة فَجْلَقَه حلبيه لا محل لها من الإعراب







مصطلحات حلبية عن أسلوب الاختصار:



تاااا .. بدل من تعال



رووو .. بدل من روح



ما راي .... بدل من مالي رايح



ابخالتي .. بدل من ابن خالتي



شأساعه .. بدل من شقد الساعة



صَعِي .. أداة استدراك بمعنى صحيح


والي عندو ايا استفسار يسال عمو غوغل

ابووس روحك انا تسلمي لائلبي احلى نوغاية

نورتي عيوني ..
الله وكيلك تلات ارباع الحكي المكتوب بدو ترجمة عندي وانا حلبية ابا عن جد كيف غيري

بس شبدك بالحكي بدلوو الحلكي الحلبي احلى شي

يموووووووووو على الله


بس ما كنت اعرف شو يعني
يا ريت توضيح منك او من
عمو جوجل

ما ئصرتي نوجاية برافو عليكي
وشو يعني صئائي

تسلمو يا احلى حلبية بحمص

شكرن جدن جدن لولو
وبتمنالك التوفيق

ايهوووووم

هههه لانو في كلمات انا ما فهمتها واااع

الله يسلمك ايهوم

والشكر الك ولمرورك

نورت


رولا

الله يسلمك عيوني

نورتي يا ئمرر


شهووووووووم شفتني وانا عم احكي حلبي هع

نورت احلى حسامووو

خيتو لولو انا عم اتعلم الحلبي كرمالك

بس عندي ائتراح

نزلي بالسوق سي دي بصوتك يشرح المفردات الحلبية اللي صعبة تنفهم قراءة فقط

ولاتنسيني من اول نسخة

ههههههههههههه رومنس

والله مو سعبة ما بدها لا سي دي ولا شي

انا ازا علمتكون لح تتعلمو غلت ههههههههه بفدل يكون حدا مختس