عدد الرسائل : 44 العمر : 36 مجال عملك : تجارة هواياتك : ركوب الخيل تاريخ التسجيل : 19/02/2008
موضوع: ضد او مع ولماذا ؟؟؟ الإثنين مارس 10, 2008 5:02 pm
السلام عليكم رح احكي هالكم سؤال وياريت من الكل يجابو عليه بصراحه وبكل شفافية ويتأملو الاسئلة منيح ويفهموها
ضد او مع دخول الفتاة التشات ولماذا؟؟؟؟ ضد او مع وضع الايتام في ملجىء الايتام ولماذا؟؟؟ ضد او مع زواج الشاب من امرأة من غير دينه والعكس ولماذا؟؟؟ ضد او مع تسامح من كانت حبيبتك او حبيبك وتتقبل منو الاعتزار وترجع انت وياه احباب ويرجع الحب بينكم ولماذا؟؟؟ ضد او مع الغربة ولماذا؟؟؟ ضد او مع الحرب الطائفية ولماذا؟؟؟ ضد او مع الزواج مرة تانية وتالتة ورابعة والسؤال مو بس للشباب والبنات كمان ولماذا؟؟؟ ضد او مع الخادمات والمربيات ولماذا؟؟؟ ضد او مع الصداقة بين الشب والفتاه عالنت وبالحياة العامة ولماذا؟؟؟ ضد او مع خلط الحمص مع البرغل ولماذا ههههههههههههههههههههههههههههه سامحوني بس حبيت غير عنكن جو شوي وشكرا.......
majoody مشرف
عدد الرسائل : 160 العمر : 39 مجال عملك : تجارة هواياتك : السرعة تاريخ التسجيل : 24/01/2008
موضوع: رد: ضد او مع ولماذا ؟؟؟ الأربعاء مارس 12, 2008 10:40 am
ضد او مع دخول الفتاة التشات ولماذا؟؟؟؟ اكيد لاء لانو هوة اكتر من وسيلة ان كان للدرس ولا للتعارف ولا للتسلية ضد او مع وضع الايتام في ملجىء الايتام ولماذا؟؟؟ اي ضد في حال كان موجود حدا من اهلو عم اوخال او جد او اي حدا مقرب منو ضد ينحط بميتم ضد او مع زواج الشاب من امرأة من غير دينه والعكس ولماذا؟؟؟ اكيد لا وصلنا بنظري الدين دين معاملة مو دين طوائف ومذاهب ............ الخ ضد او مع تسامح من كانت حبيبتك او حبيبك وتتقبل منو الاعتزار وترجع انت وياه احباب ويرجع الحب بينكم ولماذا؟؟؟ اكيد لا لانو اللي اخترع كلمة اسف كان لازم يخترع بعدها شي طلقتين للرحمة ضد او مع الغربة ولماذا؟؟؟ هون جواب محير حسب نوع الغربة يعني والها اسباب كتيير بس فيي ئلك انو مع الغربة لو كان سبب مقنع ضد او مع الحرب الطائفية ولماذا؟؟؟ ضد الحرب الطائفية لانو من شوي ئلت انو الدين دين معاملة مو دين طوائف وغيرو ضد او مع الزواج مرة تانية وتالتة ورابعة والسؤال مو بس للشباب والبنات كمان ولماذا؟؟؟ضد ومع حسب الاسباب مثلا لو بدي ولد ومرتي ما بتجيب ولاد اي لاتجوز عشر طعش مو اربعة ضد او مع الخادمات والمربيات ولماذا؟؟؟ ضد لو كان في بنت او مرة بالبيت الا اذا كانت بتخاف عالمنيكور تبعها ضد او مع الصداقة بين الشب والفتاه عالنت وبالحياة العامة ولماذا؟؟؟ اكيد لاء الصداقة احلى شي بالحياة ضد او مع خلط الحمص مع البرغل ولماذا ههههههههههههههههههههههههههههه سامحوني بس حبيت غير عنكن جو شوي وشكرلا يا لئيم ان ممكن كون ضد كل شي الا هي الشغلة معععع حتى اشعاااااااااااااااار اخر .......
LaRiTa مشرف
عدد الرسائل : 175 العمر : 39 مجال عملك : صيدلة هواياتك : الموسيقا تاريخ التسجيل : 31/01/2008
موضوع: رد: ضد او مع ولماذا ؟؟؟ الأربعاء مارس 12, 2008 2:18 pm
ضد او مع دخول الفتاة التشات ولماذا؟؟؟؟ هلئ سؤال ليش ئلت فتاة وما ئلت فتاة وشب يعني حلال عليكون حرام ع غيركون شه شه .. مع طبعا ..ولمازا..للتسلاية وتغير جو وهكزا
ضد او مع وضع الايتام في ملجىء الايتام ولماذا؟؟؟ ضد اكيد مو حرام لازم نعمل ئد ما فينا كرمال نعوضون مو نزيد عليهون الجرح
ضد او مع زواج الشاب من امرأة من غير دينه والعكس ولماذا؟؟؟ مع ازا كانت متدينة طبعا ضمن دينها
ضد او مع تسامح من كانت حبيبتك او حبيبك وتتقبل منو الاعتزار وترجع انت وياه احباب ويرجع الحب بينكم ولماذا؟؟؟ مع..مافي احلى من التسامح وخسوسي بين الحبايب
ضد او مع الغربة ولماذا؟؟؟
ضد ضد خليها بالئلب تجرح
ضد او مع الحرب الطائفية ولماذا؟؟؟ ضد ..
ضد او مع الزواج مرة تانية وتالتة ورابعة والسؤال مو بس للشباب والبنات كمان ولماذا؟؟؟ ضد ازا مافي سبب مقنع ومع ازا في اسباب شو عليه
ضد او مع الخادمات والمربيات ولماذا؟؟؟
طبعا ضد لكا ست البيت شو شغلتها ضد او مع الصداقة بين الشب والفتاه عالنت وبالحياة العامة ولماذا؟؟؟
مع مافي احلى من الصدائة بكل انواعها
ضد او مع خلط الحمص مع البرغل ولماذا ههههههههههههههههههههههههههههه سامحوني بس حبيت غير عنكن جو شوي وشكرا.......
بس دوئه بخبرك ازا ضد او مع ههههههههههههه
romans مشرف
عدد الرسائل : 164 العمر : 39 مجال عملك : هواياتك : كل شي تاريخ التسجيل : 23/01/2008
موضوع: رد: ضد او مع ولماذا ؟؟؟ الأربعاء مارس 12, 2008 3:10 pm
ضد او مع دخول الفتاة التشات ولماذا؟؟؟؟مع لانو التشات تسلية وصداقة وتضييع وقت مو اكتر بس بالنسبة للبنات لازم يكون في رقابة من باب الوقاية ضد او مع وضع الايتام في ملجىء الايتام ولماذا؟؟؟اكيد لالا لانو لازم يكون خيار الملجأ اخر خيار لانو من المستحيل مايكون في اي اقارب اخرين ضد او مع زواج الشاب من امرأة من غير دينه والعكس ولماذا؟؟؟متل ما قال الاخ امجد الدين معاملة وانا متلو ضد او مع تسامح من كانت حبيبتك او حبيبك وتتقبل منو الاعتزار وترجع انت وياه احباب ويرجع الحب بينكم ولماذا؟؟؟الحب اصلا مبني عل التسامح واصلا اللي بيحب شخص صعب يشوف عيوبو ضد او مع الغربة ولماذا؟؟؟ انا مغترب وبعرف شو يعني غربة لهيك انا ....ضد ضد او مع الحرب الطائفية ولماذا؟؟؟لالالالالا للطائفيو ونعم للأخوة والمحبة ضد او مع الزواج مرة تانية وتالتة ورابعة والسؤال مو بس للشباب والبنات كمان ولماذا؟؟؟نظريا انا ضد لانو مافي احلى من الاستقرار مع زوجة واحدة اما ازا في سبب مقنع ممكن ضد او مع الخادمات والمربيات ولماذا؟؟؟انا ضد الخادمات لانو وخصوصا الاجانب منهم بيشكلو خطر كبير على تربية اطفالنا ضد او مع الصداقة بين الشب والفتاه عالنت وبالحياة العامة ولماذا؟؟؟انا مع لانو اي شخص محتاج شخص من الجنس الاخر يكون صادق وصديق ينصحو ويساعدو لانو التنين بيكملو بعض لهيك لازم يكون في اصدقاء من الجنس الاخر
واخيرا بحب اشكرك على هل الاسئلة المفيدة واللي ممكن الواحد يستفيد من اجاباتها
شهم العرب
عدد الرسائل : 73 العمر : 35 مجال عملك : تجارة الاحذية الرجالية هواياتك : الشعر تاريخ التسجيل : 15/02/2008
موضوع: رد: ضد او مع ولماذا ؟؟؟ الخميس مارس 13, 2008 7:14 am
اشكرك نسيمو الغالي حبيب قلبي اشتئنالك ياغالي موضوعك راااااااائع والله رح جاوبك وبصراحة بس طبعا بضل رائي الخاص
ضد او مع دخول الفتاة التشات ولماذا؟؟؟؟ انا مع دخول الفتاة للتشات لانو حقا الطبيعي متل ماهو حق الشاب بس في كتير نقط بس الحكي فيها كتير وبطول واكيد الكل بيعرفها
ضد او مع وضع الايتام في ملجىء الايتام ولماذا؟؟؟ انا مع وضع الايتام بالملاجى الك ليش لانو رح ينظلمو بحياتهم كتير اكيد لانو حنان االام والاب ما بيتعوض ابدا ابدا ابدا
ضد او مع زواج الشاب من امرأة من غير دينه والعكس ولماذا؟؟؟ طبعا لا انو مثلا حبيت مسيحية اخدها طبعا لا بس الحب كبير كتير وبدو تضحية اذا حبيت مراة مسيحية يهودية اذا دخلت بدين الاسلام هداك الوئت باخدها ومنتزوج وبتعرف في كتير حالات واسباب متل هي الاسباب
ضد او مع تسامح من كانت حبيبتك او حبيبك وتتقبل منو الاعتزار وترجع انت وياه احباب ويرجع الحب بينكم ولماذا؟ لا لا لا والف لا لانو ببيعني بالاول يمكن يبيعني بالاخر
ضد او مع الغربة ولماذا؟؟؟ شوف حبيبي نسيمو الغربة صعبة كتير وخصيصا اذا الشخص لحالو بعيد عن اهلو يعني انا عسكري عماخدم بالشام وانا حلبي يعني ماطلعت برات سوريا بسسسسس والله رح موت لاني بعيد عن اهلي هههههههههه بس الغربة بشعة كتير بس بنفس الوئت حلوة لانو انا مثلا بدي اتغرب ليش مو لاكون مستقبلي بجوز انا هون ما اتوفق ببلدي بتغرب وبشتغل مثلا خالي مهندس ابراج بسوريا ههههههه بتعرف الوضع طلع على دبي راتبو الشهري بدبي 800 الف سوري ماعدا شغلو الخاص طيب قلي هون اديش بدو ليطالع هالمبلغ الغربة الا محاسن ومساوء
ضد او مع الحرب الطائفية ولماذا؟؟؟ الحرب الطائفية طبعا ضدها هلق مثلا نحن منقول المسيح لنهار جهنم صح منقوم منتقاتل معهم بدولة سوريا لا في رب وهو بحاسبهم وبحاسب الجميع ماحد رح يهرب يوم القيامة وان الله غفور رحيم وان الله شديد العقاب صدق الله العظيم
ضد او مع الزواج مرة تانية وتالتة ورابعة والسؤال مو بس للشباب والبنات كمان ولماذا؟؟؟ هلق الشرع بحق للشاب 4 بس المراة شخص واحد بجوز تصير ارملة بجوز تطلق انشالله تاخد عشرة شو المشكلة حقها الطبيعي بجوز تتجوز 3 مرات تنظلم من ازواجها والجازة الرابعة تنبسط وترتاح مع جوزها صح نسيمو
ضد او مع الخادمات والمربيات ولماذا؟؟؟ لا لا لا ضد لانون ما بيشكلو جزء من العيلة اوك
ضد او مع الصداقة بين الشب والفتاه عالنت وبالحياة العامة ولماذا؟؟؟ طبعا مع الصداقة بس بمعنى الصداقة مو لغرض تاني لانو الصداقة حلوة كتير بجوز مثلا انا مابلاقي حد احكيلو مشاكلي غير صديقة الي او صديق ليش لاني برتحلو بعرف انو سري عندو ببير ههههههههه صح حلوة الصداقة المحترمة والصديق وقت الضيق
ضد او مع خلط الحمص مع البرغل ولماذا ههههههههههههههههههههههههههههه سامحوني بس حبيت غير عنكن جو شوي وشكرا.......
يعني المهم تحكي كلمة مهمة بالاخر طبعا مع هههههههههههههه تعا شوف اكل الجيش ههههههههههههههههههههههههههههههههههههه بتلاقي المربى مع الحلاوة ههههههههههههه طيبة ههههههههههههههههههههههههههههههههههه الله يعين مرتي بس اتجوز شو رح ساوي فيها بدي تخترعلي اكل بعمرك ما سمعت فيو
احلى تحية عربية سورية حلبية لاحلى واعز شخصية نسيمو الغالي حبيب القلب اشكرك من كل قلبي ياغالي موضوع رائع ومتميز وجميل تقبل مروري نسيمو اخوك شهم العرب حسامو
AyHoOoM عضو مميز
عدد الرسائل : 184 العمر : 47 مجال عملك : تجارة هواياتك : الموسيقى _ الرياضة_ الشعر تاريخ التسجيل : 17/02/2008
موضوع: رد: ضد او مع ولماذا ؟؟؟ الخميس مارس 13, 2008 11:15 am
ضد او مع دخول الفتاة التشات ولماذا؟؟؟؟ مع دخول البنت..لانه التشات بحياته ما كان سيئ..الا اذا داخلة البنت فقط للاسائة ضد او مع وضع الايتام في ملجىء الايتام ولماذا؟؟؟ مع..في حال لا يوجد حل اّخر..تاني شي بالنسبة لليتيم بمعنى الكلمة الميتم هوا الحل الانسب ضد او مع زواج الشاب من امرأة من غير دينه والعكس ولماذا؟؟؟ ما عاد في تعصب ايام زمان ..وهالشي صار امر عادي جدن..ياما في زواج فشل مع انه من نفس الدين وياما في زواج ناجح جدن مع العلم كل واحد من دين..مع ..ما دام الحب بيجمع القلبين ضد او مع تسامح من كانت حبيبتك او حبيبك وتتقبل منو الاعتزار وترجع انت وياه احباب ويرجع الحب بينكم ولماذا؟؟؟ مع في حال كان الخطأ بسيط وما بيستاهل .. اما لو كان جرح وما بيطيب . فانا ضد جدن جدن ضد او مع الغربة ولماذا؟؟؟ مع الغربة لو كانت لغاية معينة وهيي تحسين وضع .. دراسة او شغل او جيش وضد لو كانت لاسباب تانية وما الها طعمة ضد او مع الحرب الطائفية ولماذا؟؟؟ انا شخصيا ضد كل انواع التخلف وهاد من اكبر وابشع انواع التخلف والتعصب.الدين =حب +تسامح+معاملة ضد او مع الزواج مرة تانية وتالتة ورابعة والسؤال مو بس للشباب والبنات كمان ولماذا؟؟؟ بس جرب اول مرة بحكيلك بعدين الواحد لازم يتعلم من اول مرة..بنفس الوقت في زواج مبرر لو في ضرورة ضد او مع الخادمات والمربيات ولماذا؟؟ ضد .. لانه ما في شي بيحل محل ست البيت..كمان اذا في ضرورة رح كون مع مو ضد ضد او مع الصداقة بين الشب والفتاه عالنت وبالحياة العامة ولماذا؟؟؟ مع جدن جدن..واصلا هاد الشي لا غنى عنه في حياتنا سواء كان عالنت او بالحياة بس صداقة بمعنى الصداقة مو هات ايدك والحئني ضد او مع خلط الحمص مع البرغل ولماذا ههههههههههههههههههههههههههههه سامحوني بس حبيت غير عنكن جو شوي وشكرا....... انا يلي مع وغيري لا لا من ضروريات الحياة خلط البرغل بحمص وهالشي من مطلق علمي بعدين سؤالك هاد الاخير عجبني اكتر من الموضوع نفسه لاني انا والبرغل بحمص بتربطنا علاقة قوية جدن وعميقة جدن جدن شكرا الك نسيمو الغالي بتمنالك التوفيق من كل ئلبي يا حلوو
نسيم الورد
عدد الرسائل : 44 العمر : 36 مجال عملك : تجارة هواياتك : ركوب الخيل تاريخ التسجيل : 19/02/2008
موضوع: رد: ضد او مع ولماذا ؟؟؟ الخميس مارس 13, 2008 5:12 pm
امجد .لارا .رومنس .شهم .ايهم شكرا كتير يا غوالي على مروركن الحلوووووو والرائع والله يعطيكن الف عافية وبتمنى للكل دوام العافية والصحة وشكرااا......
مروركم مثل عبق النسيم المعطر برائحة الفل والزيزفون يا احلى عالم واحلى ناس .......تحياتي
باربي عضو مميز
عدد الرسائل : 114 العمر : 39 مجال عملك : ادارة اعمال هواياتك : القراءه تاريخ التسجيل : 12/02/2008
موضوع: رد: ضد او مع ولماذا ؟؟؟ الثلاثاء مارس 18, 2008 10:16 am
ضد او مع دخول الفتاة التشات ولماذا؟؟؟؟ مع بس بوجود مراقبه مو بس للفتاه وللشب اكيد مع وضع الايتام في ملجىء الايتام ولماذا؟؟؟ في حالة وجود اقارب ضد اما في حالة عدم وجود مع لانو احسن ما يتشردو بالشوارع ضد او مع زواج الشاب من امرأة من غير دينه والعكس ولماذا؟؟؟ضد مع انو دينا بسمح بس لازم يكون للانسان نزره لئدام لانو رح يجي اطفال وبتوقع رح تتشتت افكارهم بين هاد الدين وهاد االدين ضد او مع تسامح من كانت حبيبتك او حبيبك وتتقبل منو الاعتزار وترجع انت وياه احباب ويرجع الحب بينكم ولماذا؟؟؟ مع اكيد مو بس بين الحبيبن التسامح مع الجميع لانو المسامح كريم الا في حاله وحده المس بالكرامه يعني يكون شي كبير ممكن احكي اني سامحت بس سدئني مو من البي ضد او مع الغربة ولماذا؟؟؟انا من ناحيتي ما بحب الغربه وما بتوقع في انسان بحب يتغرب بس مرات بتكون الزروف بس انا ضد ضد او مع الحرب الطائفية ولماذا؟؟؟اكيد ضد وهاد من اكبر انواع التخلف للاسف
ضد او مع الزواج مرة تانية وتالتة ورابعة والسؤال مو بس للشباب والبنات كمان ولماذا؟؟؟ مع لانو هاد الشي مو حرام يمكن الانسان ما يتوفىء بزواجو الاول ليش ما يجرب مره تانيه ويمكن يكون موفىء اكتر من المره الاولى ضد او مع الخادمات والمربيات ولماذا؟؟ ضد في حالة تكون مربيه للاطفال لانو ما في احن من الام على اولادها وازا الام مو فاضيه لتربي اولادها ليش لتجيبهم اما مع ومو كتير مع في حالة خادمه للبيت تقوم بشغل البيت من تنضيف وغسيل ضد او مع الصداقة بين الشب والفتاه عالنت وبالحياة العامة ولماذا؟؟؟مع ازا كانت صداقه صادقه لا مصلحةةةةةةةةةة فيها
نسيم الورد
عدد الرسائل : 44 العمر : 36 مجال عملك : تجارة هواياتك : ركوب الخيل تاريخ التسجيل : 19/02/2008
موضوع: رد: ضد او مع ولماذا ؟؟؟ الإثنين مارس 24, 2008 3:51 pm
شكرا كتير باربي على مرورك الجميل وللامام انشاء الله