لباس المرأة الجريء

لباس المرأة الجريء... مقدمة لحرية المرأة؟؟ أم نتيجة لها؟

أم هو مجرد تقليد سطحي وعارض؟؟؟
فتيات يقلن ذلك:

- الله يحب الجمال، وأنا افعل أي شيء لأبدو جميلة.

- استغرب دائما لماذا تدان الفتاة في موضوع اللباس بحجة أنها تثير الغرائز لدى الشباب، أما آن الأوان ليعتادوا.

- أنا ألبس هكذا لأن غيري يلبس، ولم أفكر كثيرا بالموضوع.

- بصراحة أريد لفت الأنظار، هذا يشعرني بالسعادة.

- لأن الشباب يريدون ذلك قبل الفتيات، الشاب لم يعد ينظر إلى الفتاة العادية، إنه يريدها جميلة جريئة مغرية وتنال إعجاب الجميع.


1- أي نوع من اللباس تفضل/ تفضلين للفتاة: لباس "محتشم" أم "غير محتشم" ؟

2- أي منهما تلبسين (للفتيات فقط)؟

3- لماذا؟

ثلاثة أسئلة تبدو سخيفة هذا ما قالته إحدى النساء "هذا الموضوع برأيي قد استهلك بالنقاش، ولنترك القشور ونناقش الأمور المهمة، فليس شأننا ماذا لبست فلانة وماذا لم تلبس فلانة"

هذا الموضوع الذي يعتبره البعض سطحيا وغير مهم يشكل مركزا ومحورا لكثير من النقاشات الاجتماعية سواء المكتوبة أو الشفهية، وفي الواقع نحن نلحظ ومن خلال التعليقات في مواقع الانترنت أنه حتى الموضوع الذي لا علاقة له بموضوع اللباس تكفيه إشارة أو غمزة لينحرف النقاش فيه نحو لباس الفتيات وذلك حتى دون أدنى ربط منطقي أو منهجية فكرية. وهذا إن دلّ على شيء فأنه يشير إلى مدى أهمية الموضوع وحاجة الناس إلى مناقشته على اختلاف أعمارهم.

توجهنا بأسئلتنا البسيطة إلى عدد من الكتاب والمثقفين والمتدينين إضافة إلى مجموعة من الصبايا والشباب وخصوصا لصبايا يلبسن ما يمكن تسميته لباسا متحررا إلى حدود جريئة قياسا بأعراف الأجيال الكبيرة في مجتمعنا.

تعليقي على الموضوع سيكون بعد المشاركه لكي اعرف رايكم بهاذا الموضوع

إلى أخي الكريم أسي الصمت تحيه وبعد
- 1 جد كتير موضوع حلو سلمت يداك
-2 أما بنسبه تعليقي على الموضوع أنا ك شاب بشوف انو بنت تئدر تلفت انتباه أخرين بدون ( هل كندره كعب عالي وبنتكور كنزه نص بطن ) يعني بنت بجمالها هو اخلاقها مو ضورري تلبس هيك بس عولمه هي اساس هل شي وتاني شي يا اخي اسير نحنى العرب لدينا عاداتنا واتقاليدنا ما بنئدر ننسها بس بعض يتناسها

اما انو شباب بدون هيك يعني واحد بيئول غير صح انو انت ولا انا شفنا بنت بطريئ لابسه ومتغندره اجباري بدنا نطلع

بنسبه للسؤالك
1- أي نوع من اللباس تفضل/ تفضلين للفتاة: لباس "محتشم" أم "غير محتشم" ؟

في بنات تحب تحتشم بس اهلون ما بدون وفيبنات اهلون بدون تحتشم هيه ما بدها

وتقبل مروري أخي اسير

دائما عند الشب يا اخت شمس نوع من الغريزة يلي ما بيئدر يتماسك اعصابو فيها وما بيلفت نظرو بالبنت غير لبسها

لو الواحد فينا يفكر ابعد من انفو بشوي بيصير يعرف انو البنت مو بس بنطلون وبلوزة هي موضة جديدة وهي موضة ئديمة

رح ئلك شو اكتر شي بيلفت نظري بالبنت عيونها

اول شي بتفرج على عيونها وبعدين بشوف شولابسة

هاهاهاهاهاهاها لك مين جاب سيرت الغريزه يا عمو شكلك عمقت كتير بلموضوع وشو بدي بعيونها السوال واضح - أي نوع من اللباس تفضل/ تفضلين للفتاة: لباس "محتشم" أم "غير محتشم" ؟ واذا بدك موضوع عن الغريزه بوعدك بي موضوع كتير حلووووو لانو انا من النوع هلي بيتحكم بي هاد وبحب بلبنت تكون خجوله ولابسه للباس محتشم

شفت اسير كيف بجيبك بالارض وبخليك تبئ بالموضوع اللي مخبيه صرلك فترة انت وعدتني ومافي حل تنزلو غير هيك

شكرا كتير اسير عالموضوع الحلو انا برئي الشب بس يجي بدو يرتبط ببنت تكون شريكه عمرو وحياتو ما راح ينقي بنت غير محتشمه اكيد رح يفكر ببنت تكون محتشمه وراكزه لانو راح يفكر لئدام شوي لانو هي رح تكون ام لاولادو ومسؤوله عن بيت لهيك بعدين جمال البنت اخلاقها روحها الحلوه ه وتعاملها مع الغير وتقبلوووو مروري

مشكوره روزليندا على الرد الحلووووو وبوعدكم بي مواضيع احلى واقوا من هيك

يعطيك العافية اسيروووووووو حبيب الشعب ....انا رايي رح يكون اد الموضوع ويمكن اطول بس معلش يمكن حلكن تعرفو انو انا بلعي كتير
اول شي الكل بيعرف انو اللبس سواء للشب او للبنت هوه تعبير عن شخصية البني ادم من ناحية الموديلات والالوان كمان
لهيك هي حرية شخصية واللي ما بتزينو عروءو ما بتزينو خروءو
اما بالنسبة لفكرة اللبس المحتشم وغير المحشم سوري منكن بس ما في بلد بالعالم فيها كل المواطنين من نفس الدين او المتعقدات والتقاليد لانو الدولة بتكون خليط ومزيج لمجموعة شعوب بمختلف عاداتها وتقاليدها بس نحن ناخد مثال بسيط على ادنا وهوه سوريا
انو كل منطقة بناتها الهن طريقة لبس معينة راجعة للعادات والتقاليد ....يعني البنت بمنطقتها ما بكون شكلها غريب غير لتروح على منطقة تانية بتختلف عنها ...يعني يلي بيجو من مناطق تانية عالشام بكون لبسهن سبور لانو هاد شي طبيعي وعادي وهيه فعلا حرية شخصية بس في ناس بالشام بشوفو هالشي غريب عنهن ....وما بتكون لابسة هالشي بغرض انها تلفت النظر بس هيه لبسها طبيعتو هيك متل ما قلنا انو تعبير عن شخضية البني ادم لهيك انا رايي الاخير انو الحق عالشباب يلي بس يشوفو بنت لابسة سبور بنفجلو عيونهن والغليظ فيهن بصير يخفف دم بغرض ينول الرضى وانا برايي انو هدول العالم بيتصرفو بهالطريقة لانهن مو شايفين خير وبفكرو انو ازا البنت لابسة سبور معناها سهلة وبلا اخلاق مع انو اللبس ما بحدد اخلاق البني ادم نهائي
واسف عالاطالة

طبعا الشب والبنت رح بيقولوا منفضل اللبس المحتشم ومافي حدن رح بيحكي غير هيك

بس بالحقيقه هني بيحبو اللباس الغير محتشم..الشباب يعني .. اغلبية الشباب..

بحبو يتطلعوا بالصبيه الغير محتشمه اي بس يرتبطوا فيا لا..

رح جاوب ع أسئلتك خي أسير..

1- أي نوع من اللباس تفضل/ تفضلين للفتاة: لباس "محتشم" أم "غير محتشم" ؟

البساطه سواء بحشمه أو بدونا..وأهم شي ميكون تفكير الصبيه انو هل اللبس مريح ولا لا؟؟ ونيتا تكون صافيه..

2- أي منهما تلبسين (للفتيات فقط)؟

لي بريحني بلبسو..أهم شي الراحه النفسيه والجسديه...

3- لماذا؟


جاوبتو بالسؤال التاني لي بريحني بلبسو أهم شي راحتي ومابهمني حدن بس إنو مابلبوس شي بيجزب الشباب الي لا ابدا ولي بدو يقرب صوبي بطرقو كف يهرسنانو

ميرسي كتير عالموضوع أسير الصمت...

مشكووووووور اسير على هل الموضوع

وانت لو تسأل كل الشباب ماحدا ح يعطيك الجواب يلي ببالو يعني رح يراوغ ومايحكي يلي بيتمناه اكيد